पी जी सिंधी लाइब्रेरी · डिजिटल आर्काइव

सुरॻवासी श्री परमानंद घनश्यामदास जी ज़ाती लाइब्रेरी

पी जी सिंधी लाइब्रेरीअ जे वधायल रूप में भलीकार.

हिन में उहे 153 सिंधी किताब आहिनि जेके मई 2023 में शुरू थियल अॻोणी वेबसाइट ते मौजूद हुआ, पर हिन में उहे वधीक किताब बि गॾ कया विया आहिनि जेके उन खां पोइ डिजिटाइज़ थिया आहिनि. हीउ वधायल रूप पी जी सिंधी लाइब्रेरी ऐं पब्लिक डोमेन जे ॿियनि किताबनि खे OCR ज़रिए मशीन सां पढ़ण जोॻो बणाइण जी कोशिश पिणि करे थो. हेठि वधीक पढ़ो ऐं रज़ाकार तौर मदद करियो.

असां वटि कोन्हे? तव्हांजी ॻोल्हा असांजी किताबी फ़िहरिस्त, सिंधी संचय, जे 41,460 रिकॉर्डनि में बि थींदी आहे.

1,054

किताब

1,49,711

स्कैन थियल सफ़ा

मजमूआ

130

प्रूफ़ रीड थियल सफ़ा

पी जी सिंधी लाइब्रेरी

परमानंद घनश्यामदास सिंधी लाइब्रेरी, डिजिटल आर्काइव

पी जी सिंधी लाइब्रेरी हिक कोशिश आहे त सुरॻवासी श्री परमानंद घनश्यामदास जी ज़ाती लाइब्रेरी सिंधी अदब ऐं सक़ाफ़त में दिलचस्पी रखंदड़ सभिनी लाइ मौजूद ऐं पहुच में हुजे. हिन लाइब्रेरीअ में उहे किताब आहिनि जेके विरहाङे दौरान ऐं उन खां पोइ सिंधियुनि जी लडपलाण खां पोइ भारत में छपिया. कोशिश इहा आहे त हीउ मेटाडेटा टिनि लिपियुनि में मौजूद हुजे: सिंधी (जंहिं खे अरबी सिंधी लिपी बि चयो वञे थो), देवनागरी ऐं रोमन.

हिन आर्काइव जो मक़सद आहे:

सिंधी समाज खे सिंधी लिखणियुनि ताईं पहुच ज़रिए पंहिंजी सक़ाफ़त ऐं तारीख़ जे सफ़र बाबत जाण हासिल करण में मदद करणु
ॾखिण एशिया जे अभ्यास में दिलचस्पी रखंदड़ खोजना कंदड़नि खे सिंधी अदब सां वास्तो रखण में मदद करणु

वधीक जाणो

आर्काइव मां · 15 नवम्बर 2026

हिकड़ी रात उर्फ़ लीला चनेसर नाटक

Hikṛī Rāt Urf Līlā Chanesar Nāṭak

ھڪڙي رات عرف ليلا چنيسر ناٽڪ

लीला राम निसंघदास फेरवाणी

1974 · 112 सफ़ा

Play on the folk story Leela Chanesar

✓ पी जी सिंधी लाइब्रेरीअ में नाटक ऐं ड्रामा ✓ अॼ जो किताबु

ऑनलाइन पढ़ो हिन किताब बाबत

हर रोज़ परमानंद घनश्यामदास जे ज़ख़ीरे मां हिकु नओं किताबु.

हिकड़ी रात उर्फ़ लीला चनेसर नाटक जो कवरु

परमानंद घनश्यामदास

मुंबईअ जो रियाज़ीअ जो उस्ताद, किताबनि जो शौक़ीन ऐं सिंधी लिखणियुनि जो पको हामी

पी जी सिंधी लाइब्रेरी सुरॻवासी श्री परमानंद घनश्यामदास जे किताबनि जो आर्काइव आहे, जेको मुंबईअ में रियाज़ीअ जो उस्ताद हो. उस्ताद हुअण सां गॾु हू किताबनि जो शौक़ीन पढ़ंदड़ ऐं सिंधी लिखणियुनि जो पको हामी हो. पंहिंजी हयातीअ में हुन घणा सिंधी किताब गॾ कया, छो त हू उन खे सिंधी ॿोलीअ ऐं अदब खे जीअरो रखण लाइ ज़रूरी समझंदो हो. हिन वेबसाइट ते आर्काइव थियल किताब संदसि ज़ाती ज़ख़ीरे मां आहिनि.

वधीक पढ़ो…